image
Дански филм ќе го отвори 69. издание на Берлинале
 
2018-12-06 17:03:00
 
  
 

Извор: HeadLines

Околу два месеци пред официјалното отворање на 69-то Берлинале (7 - 17 февруари 2019), фестивалската дирекција веќе го објави изборот на филм за гала вечерта која ќе го освети екранот во луксузната сала "Берлинале Палас", во самото срце на Берлин.

Честа да го отвори најголемиот светски филмски настан и е доверена на данската режисерка Лоне Шерфиг со нејзиниот нов филм "Добрината на непознатите" (2019), копродукција на Данска, Шведска, Франција и Германија. Заплетот на филмот се одвива во сегашно време во зимскиот и студен Њујорк, каде различни луѓе се веселат, бараат и наоѓаат љубов и добрина меѓусебно. Во главните улоги се помалку познати актери како Зои Казан, Џеј Барушел, Бил Нај, Андреа Рејсбороу, Тахар Рахим и други.

"Прекрасно е дека токму новиот филм на Лоне Шерфиг ќе отвори Берлинале'2019. Нејзиниот редок талент за карактерот на ликовите и нивните односи и деликатен хумор, ветуваат добар почеток за фестивалот. При тоа филмот е еден од насловите во трката за награда ", вели директорот Дитер Кослик. А за него тоа ќе е последното издание на фестивалот, бидејќи договорот му истекува во мај 2019 година. Ќе го заменат веќе утврдените двајца нови шефови: Италијанецот Карло Чатриан како уметнички директор и Мариета Ризенбек која ќе биде првата жена - извршен директор.

Од почетокот на својата успешна меѓународна кариера сценаристката и режисерка Лоне Шерфиг постојано била гостин на Берлинале. Во 1990 година филмот нејзиното "The Birthday Trip" учествува во паралелната програма "Панорама", а во 1998 година "On Our Own" е селектирани во програмата "Generation". Но вистински пробив на меѓународниот екран таа прави со "Италијански за почетници" (2000), кој доби Специјалната награда на жирито во Берлин во 2001 година. Две години подоцна "Вилбур сака да се самоубие" (2002) беше прикажан во селекцијата "Специјални проекции". А нејзината многу успешна филмска драма "Родителството на чувствата" (2009) исто така беше во оваа селекција на Берлинале, а во меѓувреме доби и три номинации за "Оскар".

Се уште не се објавени филмовите во главната конкуренција, "Панорама", "Форум" и другите паралелни категории. Засега не е познат и филмот за затворање, кој ќе биде прикажан повторно во "Берлинале Палас" на 17 февруари вечерта.

С. Станишиќ

Курсеви

(MKD)

55.2069
61.495
54.7888
37.9622
69.8014
0.5018

Валутен Пазар

USD/CHF
1.0076
EUR/USD
1.1139
GBP/USD
1.2644
USD/JPY
110.0177
EUR/CHF
1.1224
EUR/AUD
1.6199

Игри