image
Данскиот филм „Ништо не се случува“ победник на осмиот „Анимакс“
 
2019-01-03 16:56:00
 
  
 

Извор: HeadLines

„Златната тула“ за најдобар анимиран филм на осмото издание на „Анимакс“ ја понесе данскиот филм „Ништо не се случува“ на авторката Мишел Кранот. Со втора награда („Сребрена тула“) се закити белгискиот филм „Гну“ од Николас Кепенс и Матијас Флипс, а „Бронзената тула“ ја доби естонискиот филм „Музеј“ од Аги Пак Ји Ли. Специјални награди добија македонскиот филм „Кружно патување на монахот“ на Жарко Иванов и бугарскиот филм „Грда Сказна“ на Радостина Нејкова за техника на анимација.

Детската публика го изгласа филмот „Гено“ од Грузија на Дато Кикнавелизе за најдобар детски филм.

За наградите одлучуваше меѓународната жири-комисија во состав Ана Недељковиќ (Србија), Надежда Маринчевска (Бугарија) и Гоце Цветановски (Македонија).

На четирите фестивалски дена на „Анимакс“ беа прикажани 50 краткометражни анимирани филма и 12 анимирани за деца во официјална конкуренција. Тие беа избрани од пријавените рекордни 3.234 анимации од 83 земји во светот, меѓу кои најголем број од САД, Англија и Франција, но и од Германија, Индија, Иран, Шпанија, Русија, Бразил и други.

На фестивалот беа одржани и две работилици за деца со наслов „Двајца се караат, сите губат„ и „Добар, лош, грд, убав, сè се тоа карактери“. На работилниците учествуваат 100-ина деца.

Настанот се одржа од 29 ноември до 2 декември со мотото „Не понекогаш. Засекогаш“ во Кинотеката на Македонија.

Фестивалот е во организација на продуцентската куќа Аурипигмент, во соработка со филмското училиште Тинтири-Минтири од Скопје, со поддршка од Агенција за филм на Република Македонија и Град Скопје, и во соработка со Кинотека на Македонија. „Анимакс“ е прв и единствен фестивал на анимиран филм во Македонија. Цел на фестивалот е подигање и градење на културата во поглед на изработка на анимирани филмови за возрасни и деца, кои презентираат различни аспекти од секојдневниот живот.

Курсеви

(MKD)

54.4734
61.495
54.872
37.6439
69.1343
0.5022

Валутен Пазар

USD/CHF
0.9927
EUR/USD
1.1289
GBP/USD
1.2691
USD/JPY
108.4695
EUR/CHF
1.1207
EUR/AUD
1.6336

Игри