image
Доделување на наградите за најдобрите филмови снимени со мобилен телефон
 
2018-11-24 16:54:00
 
  
 

Извор: HeadLines

Со доделување на наградите на најдобрите филмови снимени со мобилен телефон, денеска, во 17 часот, во Кинотеката на Македонија, ќе биде затворен деветтиот „Мобил фестивал“. Ќе бидат доделени наградите за најдобрите филмови во македонска и во меѓународна селекција. Авторот на најдобриот филм ќе добие стипендија од Универзитетот за аудиовизуелни уметности ЕФТА – Скопје.

Од 750 пријавени филмови од автори од целиот свет, тричлено жири ја направи селекцијата на десетина филмови што ќе бидат прикажани, а ги избраа и најдобрите наслови во четири категории.

Филмовите ги оценуваа: Весна Ристовска, режисер, Сашо Павловски, режисер, продуцент, и Гораст Цветковски, актер.
Ќе бидат доделени наградите во следните категории: награда за најдобар филм „Ратка Илиевска – Лале“, награда за најинвентивен филм, награда за најоригинална приказна и награда за најдобра идеја.

„Под мотото „Сонувај многу, почни од малку“, во изминатите два месеца добивме интересни филмови од целиот свет, како и од Македонија. Ги охрабруваме авторите да создаваат филмови и видеа со мобилен телефон и да ни ги испратат и за јубилејното 10. издание на фестивалот“, велат организаторите.

Во рамките на фестивалот беа прикажани два играни филма: „Планинско чудо“ и „Помош, ја смалив учителката“, а се одржа и работилница за изработка на филмови со мобилен.

Фестивалот го организира продуцентската и дистрибутерска куќа „КТ филм и медија“ од Скопје.

Курсеви

(MKD)

55.9213
61.4967
56.5591
37.9305
71.8084
0.5147

Валутен Пазар

USD/CHF
0.9887
EUR/USD
1.0997
GBP/USD
1.2841
USD/JPY
108.6483
EUR/CHF
1.0873
EUR/AUD
1.6213

Игри