image
Берлинале: Златна мечка за унгарски љубовен филм
 
2017-02-19 11:52:00
 
  
 

Извор: HeadLines

Унгарскиот љубовен филм „За телото и душата“ на режисерката Илдико Енједи ја освои Златната мечка на 67-от Берлински филмски фестивал. Приказната во филмот е сместена во локална кланица во Будимпешта, во која вработените работното време го поминуваат меѓу ладнокрвна рамнодушност и црн хумор.

Наградата за најдобар режисер и Сребрена мечка ја доби финскиот режисер Аки Каурисмаки за комедијата за бегалците „Од другата страна на надежта“. Наградата за најдобро сценарио ја доби чилеанскиот филм „Фантастична жена“ на Себастијан Лелио.

За Златна Мечка на 67-то Берлинале се натпреваруваа 18 филмски остварувања. Лани Златната мечка ја доби италијанскиот режисер Џафранко Рози за документарецот за мигрантите на Лампедуза.

Берлинскиот фестивал имаше и политичка конотација, со актери и уметници кои годинава го критикуваа претседателот на САД, Доналд Трамп. Актерот Ричард Гир на пример го критикуваше Трамп, оценувајќи дека поттикнува злосторства мотивирани од омраза и ксенофобија. Американската актерка Меги Џиленхол изјавила дека има граѓани на САД кои се подготвени да пруѓат отпор кон новиот претседател.

Меѓународниот филмски фестивал во Берлин е основан во 1951 година, а од 1978 редовно се одржува секоја година во фервуари. Се смета за еден од најпосетените филмски фестивали со продадени 274.000 влезници годишно.

70 земји прикажаа 400 филма, меѓу кои и македонскиот „Кога денот немаше име“ на режисерката Теона Стругар Митевска.

Саша Станишиќ

Курсеви

(MKD)

52.7945
61.495
53.3163
39.2162
70.1517
0.4793

Валутен Пазар

USD/CHF
0.9902
EUR/USD
1.1648
GBP/USD
1.3288
USD/JPY
110.1492
EUR/CHF
1.1534
EUR/AUD
1.5681

Игри